Pieri Pauli Pasolini (Pier Paolo Pasolini) al è nassût a Bologne ai 5 di Març 1922 e muart a Ostie ai 2 di Novembar 1975. 

Al fo un scritôr, poete, inteletuâl, critic, regjist, la plui impuartante figure di inteletuâl furlan dal XX secul e un dai plui impuartants ancje pe culture taliane. 

Al imparà la lenghe furlane de mari, Susanna Colussi, che e jere di Cjasarse, in provincie di Pordenon. 

Di piçul al passave lis istâts in Friûl, mentri vie pal an al veve di lâ daûr dal pari militâr. Al si trasferìs a Cjasarse cu la mari sul principi dal 1943, par stâ lì fintremai al Zenâr dal 1950; intant, il fradi al murive combatint inte Resistence. 

Pier Paolo al discuvierzè une lenghe viere, fevelât da int puare ma plene di dignitât, e al scomence a meti dongje i zovins fin ae creazion de Academiuta di lenga furlana, dulà che a forin inmaneadis poesiis, cjants, spetacui teatrâi. In chest periodi al publicà cinc libris di poesiis e cinc rivistis leteraris.

Daspò chest periodi, al si trasferì fûr dal Friûl, cence dismenteâlu, e seguint une ideologjie marxiste ma cuintri corint, venade di cristianesim e simpri orientât ai interès dai plui puars e maltratâts; tai ultins agns, prime de muart violente (e ancjemò un grum misteriose) al tornà a dedicâsi al furlan, publicant diviers articui e la racolte La gnove zoventût che cjape dentri dute la sô produzion leterarie inte marilenghe).
 

Bibliografie par furlan

    * Poesie a Casarsa, Bologne 1942
    * Dalla lingua al friulano, CF XXIII, 1947
    * Dov'è la mia patria, Cjasarse 1949
    * Tal cour di un frut, Tresesin 1953
    * La meglio gioventù, Firenze 1954
    * Motivi vecchi e nuovi per una poesia friulana non dialettale, “Il tesaur” II, 1949
    * Poesie dimenticate, Udin 1965 e 1976
    * Il Friuli nella mia piccola vita, “Il Friuli”, giugno 1968
    * La nuova gioventù, Turin 1975 e 1981
    * I turcs tal Friûl, Udin 1976
    * Amado mio, Milan 1982
    * L'Academiuta friulana e le sue riviste, Vicenza 1994
    * Romans, Parma 1994
    * Poèmes oubliés. Poesie dimenticate. Édition bilingue. Arles 1996.